ಇಂದಿನಿಂದ ನಾವು ತಯಾರಾಗೋಣ ವಿಶ್ವದ ಮುಸ್ಲಿಮರು ದುಲ್ಹಜ್ ತಿಂಗಳನ್ನ ಬಹಳ ಸಂಭ್ರಮದಿಂದ ಸ್ವಾಗತಿಸುತ್ತಾರೆ.

*ದುಲ್ಹಜ್ಜ್* 1ರಿಂದ 9ರ ವರೆಗೆ ಬಹಳ ಮಹತ್ವವಿರುವ ದಿವಸಗಳಾಗಿವೆ.
ಅದರ ಒಂದೊಂದು ದಿವಸದ ವೈಶಿಷ್ಟ್ಯತೆಗಳನ್ನು ಕೆಳಗೆ ವಿವರಿಸಲಾಗಿದೆ.

▶ *ದುಲ್ಹಜ್ಜ್* 1: ಆದಮ್ ನಬಿ(ಅ) ರವರ ತೌಬವನ್ನು ಅಲ್ಲಾಹು ಸ್ವೀಕರಿಸಿದ ದಿನವಾಗಿದೆ. ಈ ದಿನ ಉಪವಾಸ ಅನುಷ್ಠಿಸಿದರೆ ಅವನ ಪಾಪಗಳನ್ನು ಅಲ್ಲಾಹು  ಮನ್ನಿಸಿ ಕೊಡುವನು.

▶ *ದುಲ್ಹಜ್ಜ್* 02: ಮತ್ಸ್ಯದ ಹೊಟ್ಟೆಯಲ್ಲಿದ್ದ ಯೂನುಸ್ ನಬಿ (ಸ)ರವರ ಪ್ರಾರ್ಥನೆಗೆ ಅಲ್ಲಾಹು ಉತ್ತರ ಕೊಟ್ಟಿರುವುದು ಈ ದಿವಸವಾಗಿದೆ. ಆದ್ದರಿಂದ ಈ ದಿವಸ ಪ್ರಾರ್ಥಿಸಿದರೆ ಅಲ್ಲಾಹು ಉತ್ತರ ಕೊಡುವನು.

▶ *ದುಲ್ಹಜ್ಜ್* 03: ಝಕರಿಯ ನಬಿ (ಅ) ರವರ ಪ್ರಾರ್ಥನೆಗೆ ಅಲ್ಲಾಹು ಉತ್ತರ ನೀಡಿರುವುದು ಈ ದಿನವಾಗಿದೆ. ಈ ದಿನ ಪ್ರಾರ್ಥಿಸಿದರೆ ಅಲ್ಲಾಹು ಉತ್ತರ ಕೊಡುವನು.

▶ *ದುಲ್ಹಜ್ಜ್* 04: ಈಸಾ ನಬಿ(ಅ) ರವರಿಗೆ ಅಲ್ಲಾಹು ಜೀವ ಕೊಟ್ಟನು.
ಈ ದಿವಸ ಒಬ್ಬ ಉಪವಾಸ ಅನುಷ್ಠಿಸಿದರೆ ಅವನನ್ನು ಅಲ್ಲಾಹು ದಾರಿದ್ರ್ಯದಿಂದ ಸಂರಕ್ಷಿಸಿ ಖಿಯಾಮತ್ ದಿವಸದಲ್ಲಿ ಅವನು ಗುಣವಂತರೊಂದಿಗೆ ಇರುವನು.

▶ *ದುಲ್ಹಜ್ಜ್* 05: ಮೂಸ ನಬಿ (ಅ) ರವರು ಜನಿಸಿರುವ ದಿವಸವಾಗಿದೆ.
ಈ ದಿವಸ ಯಾರಾದರೂ ಉಪವಾಸ ಅನುಷ್ಠಿಸಿದರೆ ಕಾಪಟ್ಯದಿಂದಲೂ, ಖಬರ್ ಶಿಕ್ಷೆಯಿಂದಲೂ ಅಲ್ಲಾಹು ಅವನನ್ನು ರಕ್ಷಿಸುವನು.

▶ *ದುಲ್ಹಜ್ಜ್* 06: ನಬಿ ﷺ ರವರಿಗೆ ಒಳಿತಿನ ಬಾಗಿಲುಗಳನ್ನು ತೆರೆದು ಕೊಟ್ಟ ದಿವಸವಾಗಿದೆ. ಈ ದಿವಸ ಯಾರಾದರು ಉಪವಾಸ ಅನುಷ್ಠಿಸಿದರೆ ಅಲ್ಲಾಹು ಅವನತ್ತ ಕಾರುಣ್ಯದ ನೋಟ ನೋಡುವನು. ಅಲ್ಲದೆ ಅವನಿಗೆ ಶಿಕ್ಷೆಯಿಂದ ರಿಯಾಯತಿ ಕೊಡುವನು.

▶ *ದುಲ್ಹಜ್ಜ್* 07: ಈ ದಿವಸ ನರಕದ ಬಾಗಿಲುಗಳು ಮುಚ್ಚುವ ದಿವಸವಾಗಿದೆ. ಈ ದಿವಸ ಯಾರಾದರು ಉಪವಾಸ ಅನುಷ್ಠಿಸಿದರೆ ಪ್ರಯಾಸದ 33 ದ್ವಾರಗಳು ಮುಚ್ಚಲ್ಪಡುವುದು.

▶ *ದುಲ್ಹಜ್ಜ್* 08: ಈ ದಿವಸ ಯಾರಾದರು ಉಪವಾಸ ಅನುಷ್ಠಿಸಿದರೆ ಅವರಿಗೆ ಅಲ್ಲಾಹು ಲೆಕ್ಕವಿಲ್ಲದಷ್ಟು ಪ್ರತಿಫಲವನ್ನು ನೀಡುವನು.

▶ *ದುಲ್ಹಜ್ಜ್* 09: ಅರಫಾ ದಿನ.
ಈ ದಿವಸ ಯಾರಾದರು ಉಪವಾಸ ಅನುಷ್ಠಿಸಿದರೆ ಕಳೆದದ್ದು ಹಾಗು ಬರಲಿರುವ ಒಂದು ವರ್ಷದ ದೋಷಗಳನ್ನು ಅಲ್ಲಾಹು ಮನ್ನಿಸಿ ಕೊಡುವನು.
(ನಬಿ ವಚನ)

ಈ ಪುಣ್ಯ ಮಾಸವನ್ನು ಗೌರವದಿ೦ದ ಬರಮಾಡಿಕೊಳ್ಳಲು, ಉಪವಾಸ ಅನುಷ್ಠಿಸಲು, ಸತ್ಕರ್ಮಗಳನ್ನು ನಿರ್ವಹಿಸಲೂ,  ಅದು ಕಾರಣವಾಗಿ ನಮ್ಮ ಪಾಪಗಳು ಮನ್ನಿಸಲ್ಪಡಲು ಜಗದ್ರಕ್ಷಕನಾದ ಅಲ್ಲಾಹು ತೌಫೀಖ್ ನೀಡಲಿ, ಆಮೀನ್.

ಅಸಾಸ್ ಎಜುಕೇಶನ್ ಸೆಂಟರ್ ಮಲ್ಲೂರ್ ಮಂಗಳೂರು