ಎಸ್ ವೈ ಎಸ್ ಹರೇಕಳ ಸೆಂಟರ್ ಮಹಾಸಭೆ ಹಾಗು ನೂತನ ಪದಾಧಿಕಾರಿಗಳ ಆಯ್ಕೆ

ಎಸ್ ವೈ ಎಸ್ ಹರೇಕಳ ಸೆಂಟರ್ ಮಹಾಸಭೆ ಹರೇಕಳ ಸೆಂಟರ್ ಅಧ್ಯಕ್ಷರಾದ ಅಬ್ದುರ್ರಝ್ಝಾಖ್ ಆಲಡ್ಕ ರವರ ಅಧ್ಯಕ್ಷತೆಯಲ್ಲಿ ದೇರಿಕಟ್ಟೆಯ ಅಬೂಬಕರ್ ಸಿದ್ದೀಖ್ ಜಾಮಿಅಃ ಮಸ್ಜಿದ್ ಹಾಲ್ ನಲ್ಲಿ ನಡೆಯಿತು.
ದೇರಿಕಟ್ಟೆ ಮಸ್ಜಿದ್ ಇಮಾಮರಾದ ರಫೀಖ್ ಮದನಿ ರಾಜಗುಡ್ಡೆ ಸ್ವಾಗತಿಸಿದರು. ಕಾರ್ಯಕ್ರಮವನ್ನು ಹೈದರ್ ಸಖಾಫಿ ಇನೋಳಿ ಉದ್ಘಾಟಿಸಿದರು. ಬಳಿಕ ಎಸ್ ವೈ ಎಸ್ ಹರೇಕಳ ಸೆಂಟರ್ ಇದರ 2017-18 ನೇ ಸಾಲಿನ ನೂತನ ಸಮಿತಿ ಪದಾಧಿಕಾರಿಗಳ ಆಯ್ಕೆ ಪ್ರಕ್ರಿಯೆ ನಡೆಯಿತು. ಅಧ್ಯಕ್ಷರಾಗಿ ಅಬ್ದುಲ್ ರಝ್ಝಾಖ್ ಆಲಡ್ಕ ಪುನರಾಯ್ಕೆಯಾದರು.
ಉಪಾಧ್ಯಕ್ಷರಾಗಿ ಹೈದರ್ ಸಖಾಫಿ ಇನೋಳಿ, ಉಸ್ಮಾನ್ ಫರೀದ್ ನಗರ, ಖಾಲಿದ್ ನ್ಯೂ ಪಡ್ಪು, ಪ್ರಧಾನ ಕಾರ್ಯದರ್ಶಿಯಾಗಿ ಅಬ್ದುಲ್ ಕಾಸಿಂ ದೇರಿಕಟ್ಟೆ, ಜೊತೆ ಕಾರ್ಯದರ್ಶಿಗಳಾಗಿ ಮುಹಮ್ಮದ್ ಅಶ್ರಫ್ ಮುಸ್ಲಿಯಾರ್ ಕಡವಿನ ಬಳಿ, ಶಾಹುಲ್ ಹಮೀದ್ ಫರೀದ್ ನಗರ, ಅಬ್ದುಲ್ ಮಜೀದ್ ಫರೀದ್ ನಗರ,ಕೋಶಾಧಿಕಾರಿಯಾಗಿ ಹುಸೈನ್ ಟೈಲರ್ ಕಡವಿನ ಬಳಿ ಹಾಗು 22 ಕಾರ್ಯಕಾರಿ ಸಮಿತಿ ಸದಸ್ಯರನ್ನು ಆಯ್ಕೆ ಮಾಡಲಾಯಿತು.
ಚುನಾವಣಾ ವೀಕ್ಷಕರಾಗಿ ಆಗಮಿಸಿದ ಎಸ್ ವೈ ಎಸ್ ಕರ್ನಾಟಕ ರಾಜ್ಯ ಸಮಿತಿ ಸದಸ್ಯ ಅಶ್ರಫ್ ಕಿನಾರ ಪ್ರಾಸ್ತಾವಿಕವಾಗಿ ಮಾತನಾಡಿದರು.
ಈ ಸಂದರ್ಭದಲ್ಲಿ ಎಸ್ ಎಂ ಎ ಕೋಣಾಜೆ ಇದರ ಅಧ್ಯಕ್ಷರಾದ ಅಬ್ದುಲ್ ರಝ್ಝಾಖ್ ಹಾಜಿ ಮಲಾರ್, ಕರೀಂ ಹಾಜಿ ಉಂಬುದ, ದೇರಿಕಟ್ಟೆ ಬ್ರಾಂಚ್ ಅಧ್ಯಕ್ಷರಾದ ರಫೀಖ್ ಸಖಾಫಿ ದೇರಿಕಟ್ಟೆ, ಎ.ಎಸ್.ಜೆ.ಎಂ ದೇರಿಕಟ್ಟೆ ಮಸೀದಿ ಅಧ್ಯಕ್ಷರಾದ ಮುಹಮ್ಮದ್ ನವಾಝ್ ಹಾಗು ಸೆಂಟರ್ ಅಧೀನದ ಬ್ರಾಂಚುಗಳ ಕೌನ್ಸಿಲರುಗಳು ಉಪಸ್ಥಿತರಿದ್ದರು. ನೂತನ ಜೊತೆ ಕಾರ್ಯದರ್ಶಿ ಅಬ್ದುಲ್ ಮಜೀದ್ ಫರೀದ್ ನಗರ ಧನ್ಯವಾದಗೈದರು.