ಕೇವಲ 8 ತಿಂಗಳಲ್ಲಿ ಕುರ್ ಆನ್ ಕಂಠಪಾಠ ಮಾಡಿದ ಜಾಮಿಅಃ ಸಅದಿಯ್ಯಾದ ಹಿಫ್ಲ್ ಕಾಲೇಜಿನ 13 ರ ಬಾಲಕ!!

ಕೇವಲ 8 ತಿಂಗಳಲ್ಲಿ ಕುರ್ ಆನ್ ಕಂಠಪಾಠ ಮಾಡಿದ 13 ರ ಬಾಲಕ!!

ಆಟ, ಸಂಗೀತದ ಹಿಂದೆ ಬಿದ್ದು ಜೀವನ ವ್ಯರ್ಥಗೊಳಿಸುವ, ಲೌಕಿಕ ಪದವಿ ಗಳಿಕೆಗಾಗಿ ಧಾರ್ಮಿಕ ವಿದ್ಯೆಯನ್ನು ಕಡೆಗಣಿಸುವ ಎಲ್ಲಾ ಜನರ ಕಣ್ಣು ತೆರೆಸುವಂತಿದೆ ಮುಹಮ್ಮದ್ ರಾಫಿಯ ಸಾಧನೆ. ತನ್ನ ಹದಿಮೂರನೇ ಪ್ರಾಯದಲ್ಲಿ, ಅದೂ ಕೇವಲ 8 ತಿಂಗಳಲ್ಲಿ ಕುರ್ ಆನ್ ಸಂಪೂರ್ಣ ಕಂಠಪಾಠ ಮಾಡಿರುವ ಈತನ ಸಾಧನೆ ಸಣ್ಣದೇನಲ್ಲ..!
ದುಬೈ ಕೆ.ಸಿ.ಎಫ್ ನ ಸಕ್ರಿಯ ಕಾರ್ಯಕರ್ತ ಅಬ್ದುಲ್ಲ ಮುಸ್ಲಿಯಾರ್ ಕುಡ್ತಮುಗೇರುರವರ ಸಹೋದರ ಉಮರ್ ಹಾಗೂ ಕನ್ಯಾನ ಚೆಡವು ಶಾಫಿ ಸಅದಿಯವರ ಸಹೋದರಿ ಜಮೀಲಾ ದಂಪತಿಗಳ ಪುತ್ರನಾದ ಈತ  ಜಾಮಿಅಃ  ಸ ಅದಿಯಾ ಅರಬಿಯಾದ ಹಿಪ್ಲ್ ಕಾಲೇಜ್ ನ ವಿದ್ಯಾರ್ಥಿಯಾಗಿದ್ದಾನೆ. ಸುನ್ನೀವಾಣಿ ಹಾಗೂ ಸುನ್ನತ್ ಮಾಸಪತ್ರಿಕೆಯ ಸಂಪಾದಕರಾದ ಬಿ.ಕೆ ಯೂನುಸ್ ಇಮ್ದಾದಿ ಮಂಗಳಪದವು ರವರ ಫ್ಯಾಮಿಲಿಯ ಈ ಬಾಲಕನ ಸಾಧನೆಯಿಂದ ಇಡೀ ಕುಟುಂಬವೇ ಇಂದು ಸಂತಸದಲ್ಲಿದೆ.

ಸ್ವ ಇಚ್ಛೆಯಿಂದ ಕುರ್ ಆನ್ ಕಂಠಪಾಠ ಕಲಿಯಲು ಹೊರಟ ಮುಹಮ್ಮದ್ ರಾಫಿಯ ಸಾಧನೆಯನ್ನು ಕಂಡು ಸ್ವತಃ ಉಸ್ತಾದರೇ ನಿಬ್ಬೆರಗಾಗಿದ್ದಾರೆ.! ಇಂದು ಬೆಳಗ್ಗೆ ಸಅದಿಯಾದಲ್ಲಿ ನಡೆದ ಕುರ್ ಆನ್ ಖತಂ ಒಪ್ಪಿಸುವ ಕಾರ್ಯಕ್ರಮದಲ್ಲಿ ಆತನಿಗೆ ಕುರ್ ಆನ್ ಗ್ರಂಥ ನೀಡುವ ಮೂಲಕ ಉಸ್ತಾದರು ಆಶೀರ್ವದಿಸಿದರು.

"ಕುರ್ ಆನ್ ಕಲಿತು ಕಲಿಸುವವನು ನಿಮ್ಮ ಪೈಕಿ ಉತ್ತಮನು" ಎಂಬ ಪ್ರವಾದಿ ವಚನದಂತೆ ಕುರ್ ಆನ್ ಕಲಿಯಲು ಹೊರಟು, ಅತಿ ವೇಗವಾಗಿ ಕುರ್ ಆನ್ ಕಂಠಪಾಠ ಮಾಡಿ ಸಾಧನೆಗೈದ ಮುಹಮ್ಮದ್ ರಾಫಿ ಇತರ ವಿದ್ಯಾರ್ಥಿಗಳಿಗೆ ಮಾದರಿಯಾಗಿದ್ದಾನೆ. ಅಲ್ಲಾಹು ಆತನಿಗೆ ಇನ್ನಷ್ಟು ಖೈರ್ ಗಳನ್ನು ನೀಡಲಿ. ನಮ್ಮ ಮಕ್ಕಳಿಗೂ ಉತ್ತಮ ನೆನಪಿನ ಶಕ್ತಿಯನ್ನು ಕರುಣಿಸಲಿ ಆಮೀನ್.

ಕಿರಿಯ ವಯಸ್ಸಿನಲ್ಲೇ ಅತೀ ಕಡಿಮೆ ಅವದಿಯಲ್ಲಿ ಪರಿಶುದ್ದ  ಕುರ್-ಆನ್ ಕಂಠಪಾಠ ಮಾಡಿ ನಮ್ಮೆಲ್ಲರ ಪ್ರೀತಿಗೆ ಪಾತ್ರನಾದ *ಮೊಹಮ್ಮದ್ ರಾಫಿ* ನಿನಗಿದೋ ಸಾವಿರ ಸಾವಿರ ಹೂ  ಚೆಂಡಿನ ಅಬಿನಂದನೆಗಳು ಕನ್ಯಾನ ಟೌನ್ ಮದ್ರಸ ಉಸ್ತಾದ್  ಅಬ್ದುಲ್ ಖಾದರ್ ಸಅದಿ ಉಸ್ತಾದ್ ಹತ್ತಿರ ಆರಂಭಿಕ ಮದರಸ ಶಿಕ್ಷಣ ಪಡೆದು ತನ್ನ  ಸ್ವಯ ಇಚ್ಚೆಯಿಂದ ಸಣ್ಣ ಪ್ರಾಯದಲ್ಲೇ ಕುರ್-ಆನ್ ಹಾಫಿಲ್ ಮಾಡಲು ಹೊರಟು  ಇದೀಗ ಅದರಲ್ಲಿ ಯಶಸ್ವಿಯಾದ ನಿನ್ನ ಮುಂದಿನ ಜೀವನ ಅಲ್ಲಾಹು ಉನ್ನತಿಯಿಂದ ಉನ್ನತಿಗೆ ಕೊಂಡೊಯ್ಯಲಿ ಎಂದು ಹಾರೈಸುವ...🌹🌹🌹