4000 Covid ರೋಗಿಗಳ ಮಧ್ಯೆ ಸೇವಾನಿರತ ನಮ್ಮೋರ್ವ ಕಾರ್ಯಕರ್ತ

4000 Covid ರೋಗಿಗಳ ಮಧ್ಯೆ ಸೇವಾನಿರತ ನಮ್ಮೋರ್ವ ಕಾರ್ಯಕರ್ತ

ಜಗತ್ತಿನಾದ್ಯಂತ ಹರಡಿರುವ ಕೋವಿಡ್ 19, ಲಕ್ಷಾಂತರ ಜನರನ್ನು ಬಲಿಪಡೆದಿದೆ. ಇದರಲ್ಲಿ ಸರಿಸುಮಾರು 4000 ಕ್ಕಿಂತಲೂ ಅಧಿಕ ರೋಗಿಗಳು ಕುವೈತ್ ನಲ್ಲೂ ಇದ್ದಾರೆ.  ಕುವೈತ್ ನ  ಆಸ್ಪತ್ರೆಗಳು  ಪ್ರತಿನಿಮಿಷ ಬಹಳ ಎಚ್ಚರದಿಂದಲೇ ದಿನದ 24 ಗಂಟೆಗಳು ರೋಗಿಗಳ ಸೇವೆಯಲ್ಲೇ ತೊಡಗಿದೆ.

ಅದರಲ್ಲೂ ನಮ್ಮ ಉಳ್ಳಾಲದ ಬಶೀರ್ ರವರ ಸೇವೆ ಶ್ಲಾಘನೀಯ.

ಸೆಯ್ಯಿದ್ ಕುಂಬೋಳ್ ತಂಗಳ್ ರವರ ಆಶೀರ್ವಾದ ಪಡೆದು ಕುವೈತ್ ಆಸ್ಪತ್ರೆಯಲ್ಲಿ OT Anaesthesia Technician ಸೇವೆಯಲ್ಲಿರುವ ಬಶೀರ್ ರವರು ಇದೀಗ ತನ್ನ 24 ಗಂಟೆಗಳೂ ಕೋರೋಣ ಭಾದಿತರ ಮಧ್ಯೆ ಇದ್ದು ಅವರ ಶುಶ್ರೂಷೆಯಲ್ಲೇ ದಿನ ಕಳೆಯುತ್ತಿದ್ದಾರೆ. 

ಬಿಡುವಿಲ್ಲದ 24 ಗಂಟೆಯೂ ಸೇವೆ. ಕೋವಿಡ್ ರಕ್ಷಣಾ ವಸ್ತ್ರ ಧರಿಸಿಯೇ ದಿನದ ಐದು ವಕ್ತ್ ಖಳಾ ಆಗದಂತೆ ನಮಾಜ್ ನಿರ್ವಹಣೆ,  ರಂಜಾನ್ ಉಪವಾಸ,ಸಹರಿ, ಇಫ್ತಾರ್,ತರಾವೀಹ್ ಇವೆಲ್ಲಾ ಇಬಾದತ್ ಗೆ ಒಂದೂ ನಷ್ಟವಾಗದೆ ಸಮಯ ಕಂಡುಕೊಳ್ಳಲು ಹರಸಾಹಸ ಪಡುತ್ತಿರುವುದಾಗಿ ಅವರ ಮಾತಿನಿಂದ ತಿಳಿಯಲಾಯಿತು.

ಅಷ್ಟಕ್ಕೂ ಅವರು ಅಲ್ಲಾಹನ ಮೇಲಿನ ತವಕ್ಕುಲ್, ಮಹಾತ್ಮರ ರಕ್ಷಣೆಯ ಭರವಸೆ, ಕಾರ್ಯಕರ್ತರ ದುಆದ ನಿರೀಕ್ಷೆಯಲ್ಲಿ ಧೈರ್ಯದಿಂದ ಮುನ್ನಡೆಯುತ್ತಿದ್ದಾರೆ.

ನಾಡಿನಲ್ಲಿ ಸುನ್ನತ್ ಜಮಾಹತ್ ಗಾಗಿ ಹಲವು ಕಾರ್ಯಗಳಲ್ಲಿ ತನ್ನ ಸಹಕಾರ ಮತ್ತು ಸಾನಿಧ್ಯ ಕೊಡುತ್ತಾ, ಕಳೆದ ಸಾಲಿನ ಉಳ್ಳಾಲ ದರ್ಗಾದ ಅರೇಬಿಕ್ ಟ್ರೆಸ್ಟ್ ಜೊತೆಕಾರ್ಯದರ್ಶಿಯಾಗಿ ಸೇವೆ ಸಲ್ಲಿಸಿರುವ ನಮ್ಮ ಬಶೀರ್ ರವರಿಗೆ ನಾವೆಲ್ಲರೂ ದುಆ ಮಾಡಬೇಕಾಗಿದೆ.

ಅಲ್ಲಾಹನು ಅವರಿಗೂ ನಮಗೂ ವೈರಸ್ ನಿಂದ ಸಂಪೂರ್ಣ ರಕ್ಷಣೆ ನೀಡಲಿ,ಅವರ ಅಹೋರಾತ್ರಿಯ ಸೇವೆಗೆ ಅಲ್ಲಾಹು ತಕ್ಕ ಪ್ರತಿಫಲ ಕರುಣಿಸಲಿ. ಅಹ್ಲುಸ್ಸುನ್ನತ್ ಗಾಗಿ ಇನ್ನೂ ಶ್ರಮವಹಿಸಲು ಬೇಕಾದ ದೀರ್ಘ ಆಯುಷ್ಯ ಆರೋಗ್ಯ ಐಶ್ವರ್ಯ ಅಲ್ಲಾಹನು ನಮಗೆಲ್ಲರಿಗೂ ಕರುಣಿಸಲಿ -ಆಮೀನ್.

✍️Musthafa Master