ವಾಟ್ಸಪ್ ಮೂಲಕ ಉಜಿರೆಬೆಟ್ಟು ಯುವಕರ ವಿಶಿಷ್ಟ ಸಾಧನೆ

*ಸಾಮಾಜಿಕ ತಾಣಗಳ ಮೂಲಕ ಜಮಾಅತಿನ ಸೇವೆಗೆ ಮುಂದಾದ ಯುವಕರು..!*
*ವಾಟ್ಸ್ ಅಪ್ ಗ್ರೂಪ್ ಮೂಲಕ ಉಜಿರೆಬೆಟ್ಟು ಯುವಕರ ವಿಶಿಷ್ಟ ಸಾಧನೆ..!!*

ಸಾಮಾಜಿಕ ತಾಣಗಳು ಅನಾಚಾರ, ಅಧರ್ಮಗಳಿಗೋಸ್ಕರ ಮೀಸಲಾಗುತ್ತಿರುವ ಪ್ರಸಕ್ತವಾದ ಸನ್ನಿವೇಶದಲ್ಲಿ, ಸಾಮಾಜಿಕ ತಾಣಗಳಾದ ವಾಟ್ಸ್ ಅಪ್ ಗ್ರೂಪ್  ಮುಖಾಂತರ ತಮ್ಮ ಜಮಾಅತಿನ ಸರ್ವತೋಮುಖ ಅಭಿವೃದ್ಧಿಗೆ ಪಣತೊಟ್ಟು ಕಾರ್ಯಾಚರಿಸುವ ಸಂಘಟನೆಯೇ ಎಂ.ಜೆ.ಎಂ ಉಜಿರಬೆಟ್ಟು..!!

ಬಹುತೇಕ ಬಡತನದ ಕುಟುಂಬಗಳನ್ನೇ ಹೊಂದಿರುವ ಜಮಾಅತಿನ ಮದ್ರಸದಲ್ಲಿನ ಉಸ್ತಾದರಿಗೆ ತಿಂಗಳ ಸಂಬಳ ನೀಡಿ ಸಹಕರಿಸುವ ಸಲುವಾಗಿ ಒಂಭತ್ತು ತಿಂಗಳ ಹಿಂದೆ ಜನ್ಮತಾಳಿದ ಸಂಘಟನೆಯಿಂದು ಸರ್ವಶಕ್ತನ ಅನುಗ್ರಹ, ಸಹೃದಯಿಗಳ ನೆರವಿನಿಂದ ಈಗಾಗಲೇ ಒಬ್ಬರು ಉಸ್ತಾದರ ಸಂಬಳವನ್ನು ನೀಡುತ್ತಾ ಮುಂದುವರಿಯುತ್ತಿದೆ.

ಜಮಾಅತ್ ವ್ಯಾಪ್ತಿಯೊಳಗಿನ ಬಡತನದ ಬೇಗುದಿಯಲ್ಲಿ ಕಳೆಯುತ್ತಿರುವ ಸಹೋದರಿಯರ ಮದುವೆಗೆ ಸಹಾಯ, ಚಿಕಿತ್ಸೆಗೆ ಹಣವಿಲ್ಲದೆ ಕಷ್ಟಪಡುವ ರೋಗಿಗಳಿಗೆ ಸಹಾಯಹಸ್ತ, ಬಡವರ ಶಿಕ್ಷಣಕ್ಕೆ ಒತ್ತು ಮುಂತಾದ ಜೀವಕಾರುಣ್ಯ ಪದ್ಧತಿಗಳ ದೀರ್ಘದೃಷ್ಟಿಯ ಯೋಜನೆಯೊಂದಿಗೆ ಕಾರ್ಯಾಚರಿಸುತ್ತಿರುವ ಸಂಘಟನೆಯು ಮುಂದಿನ ಎಪ್ರಿಲ್ ತಿಂಗಳ ನಂತರ ಇನ್ನೊಂದು ಉಸ್ತಾದರ ಸಂಬಳವನ್ನು ಸಹ ತಮ್ಮ ಸಂಘಟನೆಯ ವತಿಯಿಂದ ನೀಡಲು ತೀರ್ಮಾನಿಸಿದ್ದು,ಅದಲ್ಲದೆ ಮಸೀದಿಯ ಮಿನಾರ ನಿರ್ಮಿಸಲು ತಗಲುವ ಸರಿಸುಮಾರು ಆರು ಲಕ್ಷದಷ್ಟು ಮೊತ್ತವನ್ನು ಸಂಘಟನೆಯ ವತಿಯಿಂದ ಸಂಗ್ರಹಿಸಿ ನೀಡಲು ತೀರ್ಮಾನಿಸಲಾಗಿದೆ.

ತಮ್ಮ ಕೆಲಸದ ಒತ್ತಡದ ನಡುವೆಯೂ, ಜೀವನದ ಹಲವಾರು ಕಷ್ಟ, ಯಾತನೆಗಳ ನಡುವೆಯೂ ಊರಿನ ಅಭಿವೃದ್ಧಿಯೊಂದಿಗೆ ಕೈ ಜೋಡಿಸುವ ಉದಾತ್ತ ಗುರಿಯೊಂದಿಗೆ ಮುನ್ನಡೆಯುತ್ತಿರುವ ಪ್ರವಾಸಿ ಗೆಳೆಯ ಮಿತ್ರರ ಕನಸಿನ ಕೂಸಾದ ಎಂ.ಜೆ.ಎಂ ಉಜಿರೆಬೆಟ್ಟು ಸಂಘಟನೆ ಇನ್ನಷ್ಟು ಎತ್ತರಕ್ಕೆ ಬೆಳೆದು, ಅಸಹಾಯಕ ಮನಸ್ಸುಗಳ ಕಣ್ಣೀರನ್ನು ಒರೆಸುವಂತಾಗಲಿ,ಇನ್ನಷ್ಟು ಜೀವಕಾರುಣ್ಯ ಸೇವೆಗಳು ಸಮಾಜದ, ಸಮುದಾಯದ ನಿರ್ಗತಿಕ ಮನಸ್ಸುಗಳಿಗೆ ಫಲಪ್ರದವಾಗುವಂತಾಗಲಿ .....
ಆಮೀನ್........

ಜಮಾಅತಿನವರಾದ ನಿಮ್ಮೆಲ್ಲರ ದುಅಃ ನಿರೀಕ್ಷೆಯೊಂದಿಗೆ
(MJM ಗಲ್ಫ್ ಕಮಿಟಿ ಉಜಿರ್ಬೆಟ್ಟು)