ಮಲೇಷ್ಯಾ : ಮಲೇಷ್ಯಾ ಪ್ರಧಾನಿ ಮಹಾತಿರ್ ಮೊಹಮದ್ ಅವರು ಭಾರತದ ಹೊಸ ಪೌರತ್ವ ಕಾನೂನನ್ನು ಟೀಕಿಸಿದ್ದಾರೆ, ಇದು ಮುಸ್ಲಿಮರ ವಿರುದ್ಧ ತಾರತಮ್ಯವೆಂದು ಪರಿಗಣಿಸಲ್ಪಟ್ಟಿದೆ ಮತ್ತು ಭಾರತದಾದ್ಯಂತ ಮಾರಕ ಪ್ರತಿಭಟನೆಗಳನ್ನು ಹುಟ್ಟುಹಾಕಿದೆ ಎಂದರು.
ಕೌಲಾಲಂಪುರ್ ಶೃಂಗಸಭೆಯಲ್ಲಿ. ಮಾತನಾಡಿದ ಅವರು ಪೌರತ್ವ ತಿದ್ದುಪಡಿ ಕಾಯ್ದೆಯ (ಸಿಎಎ) “ಅವಶ್ಯಕತೆ” ಯನ್ನು ಪ್ರಶ್ನಿಸಿದರು,ಮತ್ತು ಭಾರತೀಯರು “70 ವರ್ಷಗಳ ಕಾಲ ಒಟ್ಟಿಗೆ ವಾಸಿಸುತ್ತಿದ್ದಾರೆ”. ಈ ಕಾನೂನಿನಿಂದ ಜನರು ಸಾಯುತ್ತಿದ್ದಾರೆ. 70 ವರ್ಷಗಳಿಂದ ಅವರು ಯಾವುದೇ ಸಮಸ್ಯೆಯಿಲ್ಲದೆ ನಾಗರಿಕರಾಗಿ ಒಟ್ಟಾಗಿ ವಾಸಿಸುತ್ತಿರುವಾಗ ಇದನ್ನು ಮಾಡುವ ಅವಶ್ಯಕತೆ ಏಕೆ?” ಎಂದು ಕೇಳಿದರು.
ಮೂರು ನೆರೆಹೊರೆಯ ದೇಶಗಳಿಂದ “ಕಿರುಕುಳಕ್ಕೊಳಗಾದ” ಅಲ್ಪಸಂಖ್ಯಾತರಿಗೆ ಪೌರತ್ವ ಪಡೆಯುವುದನ್ನು ಸಿಎಎ ಯ ಕಾನೂನು ಹೇಳುತ್ತದೆ ಆದರೆ ಮುಸ್ಲಿಮರಿಗೆ ಯಾಕಿಲ್ಲ? ಎಂದು ಪ್ರಶ್ನಿಸಿದರು.
ಭಾರತವನ್ನು ಹಿಂದೂ ರಾಷ್ಟ್ರವನ್ನಾಗಿ ಮಾಡಲು ಮತ್ತು ಭಾರತದ 1.3 ಬಿಲಿಯನ್ ಜನಸಂಖ್ಯೆಯಲ್ಲಿ ಸುಮಾರು 14 ಪ್ರತಿಶತದಷ್ಟು ಇರುವ 200 ಮಿಲಿಯನ್ ಮುಸ್ಲಿಮರನ್ನು ದೂರಮಾಡಲು ಪ್ರಧಾನಿ ನರೇಂದ್ರ ಮೋದಿ ಬಯಸುತ್ತಾರೆ ಎಂಬ ಆತಂಕವನ್ನು ಕಾನೂನು ಹುಟ್ಟುಹಾಕಿದೆ.
“ಈಗ ಜಾತ್ಯತೀತ ರಾಷ್ಟ್ರವೆಂದು ಹೇಳಿಕೊಳ್ಳುವ ಭಾರತವು ಕೆಲವು ಮುಸ್ಲಿಮರನ್ನು ಅವರ ಪೌರತ್ವವನ್ನು ಕಸಿದುಕೊಳ್ಳಲು ಕ್ರಮ ಕೈಗೊಳ್ಳುತ್ತಿರುವುದನ್ನು ನೋಡಿ ನನಗೆ ವಿಷಾದವಿದೆ” ಎಂದು ಮಲೇಶಿಯಾ ಪ್ರಧಾನಿ ಹೇಳಿದರು.