ಬೆಂಗಳೂರು ಹೋಗಿ ಹೇಳಿದವರಿಗೆ ಆಯಿಶ ಬೀವಿ ಮಾದರಿಯಂತೆ

ಬೆಂಗಳೂರು ಹೋಗಿ ಹೇಳಿದವರಿಗೆ ಆಯಿಶ ಬೀವಿ ಮಾದರಿಯಂತೆ

📝 *ಮುನೀರ್ ಸಖಾಫಿ, ಸಾಲೆತ್ತೂರು.*

ರಾಜಕೀಯ ಲಾಭಕ್ಕಾಗಿ ಸ್ತ್ರೀಯರನ್ನು ದುರುಪಯೋಗಪಡಿಸಿ ಬೀದಿಗಿಳಿಸಿದವರಿಗೆ ಆಯಿಶ ಬೀವಿ ಮಾದರಿಯಂತೆ. ಹೀಗೆಂದು ಒಬ್ಬ ಅಜ್ಞಾನಿ ಬರೆದುದನ್ನು ನೋಡಿ ನಗು ಬಂತು. ಇದರ ಬಗ್ಗೆ ಒಂದು ಕಿರು ಲೇಖನ.

ಸ್ತ್ರೀಯರ ರಂಗ ಪ್ರವೇಶವು ಇಸ್ಲಾಂ ಅಂಗೀಕರಿಸುವುದಿಲ್ಲ. ಸ್ತ್ರೀಯರು ಆಡಳಿತ ಸಮಿತಿಯ ಸದಸ್ಯರಾಗುವುದು ಮತ್ತು ಸಾರ್ವಜನಿಕ  ವೇದಿಕೆಗಳಲ್ಲಿ ಪ್ರತ್ಯಕ್ಷವಾಗುವುದು  ಇಸ್ಲಾಂ ವಿರೋಧಿಸುತ್ತದೆ. ಹೊರಗಿಳಿದು ಪುರುಷರ ಜತೆ ಬೆರೆತಲ್ಲಿ ಹಲವಾರು ನಿಷಿದ್ಧ ಸಂಗತಿಗಳು ನಡೆಯುವುದರಲ್ಲಿ ಸಂಶಯವಿಲ್ಲ.

ಸ್ತ್ರೀಯರು ಶಾಪಿಂಗ್ ಗೆ ತೆರಳುವುದು, ಸಾರ್ವಜನಿಕ ಭಾಷಣ ಮಾಡುವುದು ಈ ಅಧುನಿಕ ಕಾಲದಲ್ಲಿ ನಿಸ್ಸಂಶಯ ನಿಷಿದ್ಧವಾಗಿದೆ.
ಆದರೆ ಚಿಕಿತ್ಸೆ, ಕಲಿಕೆ, ಸಾಕ್ಷಿ ನಿಲ್ಲಬೇಕಾದ ಅನಿವಾರ್ಯ ಸಂದರ್ಭದಲ್ಲಿ ಇಸ್ಲಾಮಿನ ನೀತಿ ನಿಯಮಗಳನ್ನು ಪಾಲಿಸಿ ಹೊರಗಿಳಿಯಬಹುದಾಗಿದೆ.
ಸಮರ್ಥರಾದ ಮಹಿಳಾ ವೈಧ್ಯರಿಲ್ಲದ ಸಂದರ್ಭದಲ್ಲಿ ವಿಶ್ವಾಸ ಯೋಗ್ಯರಾದ ಸ್ತ್ರೀಯರೊಂದಿಗೆ, ಪತಿ, ತಂದೆ, ಸಹೋದರ, ಮಗ ಮುಂತಾದ ವಿವಾಹ ನಿಷಿದ್ಧವಾದವರೊಂದಿಗೆ ಪುರುಷರಾದ ವೈಧ್ಯರನ್ನು ಸಂಪರ್ಕಿಸುವುದರಲ್ಲಿಯೂ ತಪ್ಪಿಲ್ಲ. ಕಲಿಸಲು ಪತಿ ಅಥವಾ ಸ್ತ್ರೀಯರು  ಯೋಗ್ಯರಾಗಿದ್ದಲ್ಲಿ ಕಲಿಕೆಯ ಆವಶ್ಯಕ್ಕಾಗಿ  ಅನ್ಯ ಪುರುಷರ ಬಳಿ ತೆರಳಬಾರದು.

ಮಸೀದಿಯಲ್ಲಿನ ಇಮಾಮತ್ ಮತ್ತು ಆಡಳಿತ ವ್ಯವಸ್ಥೆಯನ್ನು ಸ್ತ್ರೀಯರಿಗೆ ಇಸ್ಲಾಮ್ ಕೊಟ್ಟಿಲ್ಲ. ಆರಾಧನಾ ವಲಯಗಳಲ್ಲಿ ಸ್ತ್ರೀಯರಿಗೆ ಬಾಂಗ್ ಕರೆ, ಕುತುಬ, ಜುಮಾ ಮುಂತಾದವುಗಳನ್ನು ನಿರ್ವಹಿಸಲು ಅವಕಾಶವಿಲ್ಲ. ಅದೇ ರೀತಿ ಪುರುಷರಿಗೆ ಇಮಾಮತ್  ಆಗಿ ಸ್ತ್ರೀಯು ನಿಲ್ಲುವಂತಿಲ್ಲ.
ಕಿಸ್ರ ಚಕ್ರವರ್ತಿಯ ಮಗಳನ್ನು ಪೇರ್ಷಿಯನ್ನರು ರಾಣಿಯಾಗಿ ಆಯ್ಕೆ ಮಾಡಿದ ಬಗ್ಗೆ ಪ್ರವಾದಿ ಸಲ್ಲಲ್ಲಾಹು ಅಲೈಹಿವಸಲ್ಲಮರು ತಿಳಿದಾಗ
لن يفلح قوم ولو امرهم امرأة (بخاري)
ಖಂಡಿತವಾಗಿಯೂ ತಮ್ಮ ಕಾರ್ಯಗಳಲ್ಲಿ ಸ್ತ್ರೀಯರಿಗೆ ಅಧಿಕಾರ ವಹಿಸಿಕೊಟ್ಟ ಒಂದು ವಿಭಾಗವು ಜಯಶಾಲಿಯಗಲಾರರು ಎಂದು ಹೇಳಿದ್ದನ್ನು ಇಮಾಮ್ ಬುಖಾರಿ ವರದಿ ಮಾಡಿದ್ದಾರೆ. ಸ್ತ್ರೀಯು ಪುರುಷನಂತೆ ಹೊರಗಿಳಿಯುವುದನ್ನು ಇಸ್ಲಾಮ್ ವಿರೋಧಿಸಿದೆ. ಅನಿವಾರ್ಯ ವೇಳೆಯಲ್ಲಿ ಮಾತ್ರ ಇಸ್ಲಾಮ್ ನಿರ್ದೇಶಿಸುವ ರೀತಿಯಲ್ಲಿ ಪೂರ್ಣ ಪರ್ಧಾದೊಂದಿಗೆ ಗೊರಗಿಳಿಯಬಹುದು. ಅದೂ ಕೂಡಾ ಒಬ್ಬಂಟಿಯಾಗಿ ಹೋಗುವಂತಿಲ್ಲ. ರಕ್ಷಕರು, ಅಥವಾ ವಿವಾಹ ನಿಷಿದ್ಧವಾದ ಪುರುಷರು ಅವಳ ಜತೆಯಲ್ಲಿರಬೇಕು ಎಂಬ ಕಾನೂನು ಇಸ್ಲಾಂ ಹೆಣ್ಣಿಗೆ ಎಷ್ಟು ಸುರಕ್ಷತೆಯನ್ನು ನೀಡುತ್ತದೆ ಎಂಬುವುದನ್ನು ಮನದಟ್ಟು ಮಾಡಿಕೊಡುತ್ತದೆ.
ಮನೆಯಲ್ಲಿದ್ದು ಕೊಂಡು ಮನೆ, ಪತಿ, ಮಕ್ಕಳನ್ನು ಚೆನ್ನಾಗಿ ನೋಡಿಕೊಳ್ಳಬೇಕಾದ ಹೆಣ್ಣಿನೊಂದಿಗೆ ಊರಿನ ಅಧಿಕಾರ, ರಾಜ್ಯದ ಅಭಿವೃದ್ದಿಗೆ ಬೇಕಾಗಿ ಹೋರಾಡಬೇಕೆಂದು  ಹೇಳುವುದು ಸ್ತೀ ಸಮೂಹಕ್ಕೆ ಮಾಡುವ ಅಕ್ರಮವಾಗಿದೆ.
ಸ್ತ್ರೀಯರು ಪುರುಷರಂತೆ ಅಲ್ಲ. ಅವರಿಗೆ ಅವರದೇ ಆದ ಶಕ್ತಿ,ಸಹನೆ ಇದೆ. ಶಕ್ತಿಗಿಂತ ಮಿಗಿಲಾದ ಕೆಲಸವನ್ನು ಅವರಿಂದ ಮಾಡಿಸುವುದು ಘೋರ ಅಪರಾಧವಾಗಿದೆ.

ಆಯಿಶಾ ಬೀವಿ ಹೋರಾಡಿದ್ದರೇ?

ಇಲ್ಲೊಬ್ಬ ಉಹ್ದ್ ಯುದ್ದದಲ್ಲಿ ಆಯಿಶ ಬೀವಿ (ರ) ಭಾಗವಹಿಸಿ ಯುದ್ಧ ಮಾಡಿದ್ದರು ಅಂತ ಬರೆದಿದ್ದಾನೆ.
ಉಹ್ದ್ ಯುದ್ಧದ ವೇಳೆ ಆಯಿಶಾ ಬೀವಿಗೆ ಕೇವಲ 10 ವಯಸ್ಸು ಮಾತ್ರ ಪಾಯವಾಗಿತ್ತು.10 ವರ್ಷದ ಪುಟ್ಟ ಹುಡುಗಿ ಯುದ್ದದಲ್ಲಿ ಭಾಗವಹಿಸಿದ್ದರು ಎಂಬುವುದನ್ನು ಊಹಿಸಲಸಾಧ್ಯದ ಮಾತು.

ಜಮಲ್ ಎಂಬ ಪ್ರಖ್ಯಾತ ಯುದ್ಧದ ವೇಳೆ ಆಯಿಶ ಬೀವಿ (ರ) ಹಾಜರಾದ ಬಗ್ಗೆ ಕೆಲವರು ಪ್ರಸ್ತಾಪಿಸುವುದುಂಟು.

ಆಯಿಶ ಬೀವಿ (ರ) ಜಮಲ್ ಯುದ್ದಕ್ಕೆ ಹೋಗಿಲ್ಲ. ಹೊರತು ಮುಸ್ಲಿಂ ಸಮುದಾಯದಲ್ಲಿ ಉಂಟಾದ ಬಿಕ್ಕಟ್ಟನ್ನು ಬಗೆಹರಿಸಲು ಹೊರಟಿದ್ದರು.
ಅಲಿಯ್ಯ್ (ರ)ಗೆ ವಿರುದ್ಧವಾಗಿ ಒಂದು ವಿಭಾಗವು ಪ್ರತ್ಯಕ್ಷವಾದಾಗ  ಹಲವು ಪ್ರಮುಖ ಸ್ವಹಾಬಿಗಳ ಆದೇಶದಂತೆ ಅವರೊಂದಿಗೆ ಸಮಾಲೋಚನೆ ನಡೆಸಲು ಅವರು ಹೊರಟಿದ್ದರು.

ಇಮಾಮ್ ಅಹ್'ಮದ್ (ರ) ವರದಿ ಮಾಡಿದ ಹದೀಸಿನಿಂದ ಇದನ್ನು ತಿಳಿದುಕೊಳ್ಳಬಹುದು.
فقال لها الزبير ترجعين عسى الله عز وجل أن يصلح بك بين الناس .(مسند احمد)

ಝುಬೈರ್(ರ) ಆಯಿಶ ಬೀವಿಯೊಂದಿಗೆ ಹೇಳಿದರು. ನೀವು ಅಲ್ಲಿಗೆ ತೆರಳಿದರೆ ಅವರ ಮಧ್ಯೆ ತಲೆ ದೋರಿದ ಬಿನ್ನಭಿಪ್ರಾಯವು ನೀಗುವುದು.
(ಮುಸ್ನದ್ ಅಹ್ಮದ್ )

ಆಯಿಶ ಬೀವಿ (ರ) ಪ್ರವಾದಿ ﷺ ಪತ್ನಿಯಾಗಿರುವುದರಿಂದ 2 ವಿಭಾಗವು ಅವರ ಮಾತಿಗೆ ಬೆಲೆ ಕೊಡುವರು ಮಾತ್ರವಲ್ಲ ಆಯಿಶ ಬೀವಿಯ (ರ) ಬರ್ಕತ್ ನಿಂದ ಸರಿಯಾಗುವ ನಿರೀಕ್ಷೆಯೆಯೂ ಇತ್ತು.

ಆದರೆ ಅಲ್ಲಿ ನಿರೀಕ್ಷೆಗೆ ವಿರುದ್ಧ ಯುದ್ಧ ನಡೆಯಿತು.
ನಂತರದ ದಿವಸಗಳಲ್ಲಿ ಇದೇ ಬೇಸರದಿಂದ ಆಯಿಶ ಬೀವಿ (ರ) ಕೊರಗುತ್ತಿದ್ದರು.
ಪವಿತ್ರ ಖುರ್ ಆನಿನ ಅಹ್ ಝಾಬ್ ಸೂಕ್ತದ 33 ನೇ ಸೂಕ್ತ
وَقَرْنَ فِي بُيُوتِكُنَّ وَلَا تَبَرَّجْنَ تَبَرُّجَ الْجَاهِلِيَّةِ الْأُولَىٰ ۖ(الاحزاب33)
(ಜಾಹಿಲಿಯ್ಯ ಕಾಲದ ಸ್ತ್ರೀಯರು ಮನೆಯಿಂದ ಹೊರ ಹೋದಂತೆ ನೀವು ಹೋಗದಿರಿ) ಪಾರಾಯಣ ಮಾಡುವಾಗ ಜಮಲ್ ಯುದ್ದಕ್ಕೆ ಹೋದ ಬಗ್ಗೆ ನೆನೆಸಿ ಆಯಿಶ ಬೀವಿಯು (ರ) ಹಿಜಾಬ್ ಒದ್ದೆಯಾಗುವ ತನಕ ಅಳುತ್ತಿದ್ದರು.
ಎಂದು ಇಮಾಮ್ ಖುರ್ಥುಬಿ (ರ) ಹೇಳುತ್ತಾರೆ.
ان عائشة رضي الله عنها كانت اذا قرأت هذه الاية تبكي حتي تبل خمارها (قرطبي)

ಇದೇ ರೀತಿ ತಫ್ಸೀರು ಅಲ್'ಬಹ್ರುಲ್ ಮುಹೀತ್ 7/223  ರಲ್ಲೂ ಕಾಣ ಬಹುದಾಗಿದೆ.

ಇಮಾಮ್ ಅಬುಲ್ಲೈಸ್ (ರ) ಬರೆಯುತ್ತಾರೆ,
ಆಯಿಶಾ ಬೀವಿಯ (ರ) ವಫಾತ್'ನ ವೇಳೆ ಇಬ್ನ್ ಅಬ್ಬಾಸ್ (ರ) ಅವರ ಬಳಿ ತೆರಳಿದರು. ಆಗ ಆಯಿಶ ಬೀವಿ (ರ) ಜಮಲ್ ಯುದ್ದಕ್ಕೆ ಹೋದ ಬಗ್ಗೆ ಬೇಸರ ವ್ಯಕ್ತಪಡಿಸಿದರು.
ಆಗ ಇಬ್ನ್ ಅಬ್ಬಾಸ್ (ರ) ಅವರನ್ನು ಸಮಾದಾನ ಪಡಿಸುತ್ತಾ ಹೇಳಿದರು.

وذكر ابن عباس انه دخل علي عائشة رضي الله عنها في مرضها الذي ماتت فيه فذكرت ما كان منها من الخروج في يوم الجمل وغيره فقال لها ابن عباس: ابشري فان الله تعالي يقول "لهم مغفرة ورزق كريم"(بحر العلوم 2/506)
"ನಿಮಗೆ ಅಲ್ಲಾಹನು ಎಲ್ಲವನ್ನೂ ಮನ್ನಿಸಿದ್ದಾನೆ" ಎಂದು ಖುರ್'ಆನಿನ ಸೂರತು ನ್ನೂರ್ ನ 26 ನೇ ಸೂಕ್ತವನ್ನು ಓದಿ ಹೇಳಿದರು.
(ತಫ್ಸೀರು ಬಹುಲ್ ಉಲೂಮ್ 2/506)

ಆಯಿಶ ಬೀವಿ (ರ) ಜಮಲ್ ಯುದ್ಧಕ್ಕೆ ಹೋದ ಬಗ್ಗೆ ತುಂಬಾ ದುಖಿಃತರಾಗಿದ್ದರೆಂದು ಈ ಇಮಾಮರುಗಳ ಗ್ರಂಥಗಳಲ್ಲಿ ವಿವರಿಸುವಾಗ ಆಯಿಶ ಬೀವಿ (ರ) ಹೋದದನ್ನು ಪುರಾವೆ ಮಾಡುವುದು ಆಯಿಶ ಬೀವಿಯ (ರ) ಬಗ್ಗೆ ಮಾಡುವ ಆರೋಪವಾಗಿದೆ.
ಇದನ್ನು ಒಮ್ಮೆಯೂ ಆಯಿಶ ಬೀವಿ (ರ) ಇಷ್ಟಪಡಲಾರರು.
ಅಲ್ಲಾಹನು ಅವರಿಗೆ ಅದನ್ನು ಮನ್ನಿಸಿರುವಾಗ ಮತ್ತೆ ಅದನ್ನು ಪುರಾವೆಯಾಗಿಸುವುದು ಶುದ್ಧ ಮೂರ್ಖತನವಾಗಿದೆ.

📝ಮುನೀರ್ ಸಖಾಫಿ, ಸಾಲೆತ್ತೂರು.